Lei 100 Schritt! Sel isch dur Obstond zwischn Hotel und Toulstatiou. Vonn, Svindal, Ligety, Paris, Fill und Innerhofer: dei olle kennin di Vöürtol fi di Sarnar Schipistn und oubm di 22 Obfohrtskilometr ausprobiert. Gönn a du dur an Schiurlaub in Reinswoll in Sarntoul af di Spurn fi di Schistars. P.S.: a fur Oufänger perfekt ;-)

A Tram in weiß. Start: direkt in Hotel. Öft af hoche, öft af gimietliche Weig, öft in Woll, wie in Watte vrpockt, konnsche in Sarntoul durch dur Londschoft stopfn, in Eiskristalle züeschaugn und bin Wintrwondrn di schienigstn Tierspurn spiern. Alternativ mit di Schneeschüeh gimietilich fi Hitt zi Hitt, zin Kroft tankn und Kaiserschmorrn genießn ödr mit di Tournschi di Berg bezwingin.

Du losch an liebigstn af 2 Küefn ibrn Pörzn oue? Donn bische in Reinswoll tip-top untrweigs. Zem osche net lei di 4 a holb km longe Röüdlbou, sondrn a gonzis Gebiet. In erstn Röüdlpark fi Südtirol lernsche Küefn fourn wie di Profis. Ko Ongst: in perfektn Untrsotz fur dur rasantn Obfohrt konnsche bi ins dou leichn.

Schitourn gie isch a supr Meiglichkeit in Wintr in Reinswoll gonz gleim zi drleibm. Amol awie Rüe inkehrn lossn, in dur Sunn durch dr stilln Schneelondschoft stopfn, und donn a perfekte Obfohrt in Tiefschnee. Des kling wie a Tram? Nor wöll… auwochn und löüsstartn.