Kommrn und Suitn
30 Kommrn und Suitn – olle mit Söldr. Freit enk af an pärign Blick in Toul oue, af die Berg aue und zi di Viechr fin Nochbr umme. Muh, grunz, mäh!
Mir tatn sougn di Zimmr sein klassisch schie – ohne Schnick Schnack. Öbr is wichtigste, sie sein olle naturbelossn. Douigs Material, Hölz fin Woll drumummar und supr Panoramafötos fi dr Hotelchefin Carmen. Insr Modl Walter ots weiln Video-Shooting direkt in Bett vrschloufn. Sel sog wöll olls…
21-28 m² und 2-4 m² Söldr | fur 2 Leit
Des gmietliche Zimmr lig in Tiefparterre und bietit olls, wos man brauch. Di liebevolle Inrichting in Oachan Hölz mocht a gmietliche Atmosphäre, ah ohne an bsundrn Ausblick.
Ob 110 € pro pro Köpf mit Friehstick
Ob 140 € pro Köpf mit Holbpensiou
In Tiafpartärr Richting Südn
Inrichting aus einheimischn Oachnhölz
Bou mit Tusch, Treigl, Haisl, Fein und Schminkspiegl
Flochbildfernsehar mit Sat
Tresöir, Telefou, gratis W-LAN
25 m² und 3 m² Söldr | fur 2 Leit und 1 Kinn
De klone Kommr aus Zirm strohlt Werm aus und lot di in Summr af dur Woa in di Viechr, in Wintr in di Skifohrar af dur Pist züeschaugn. Richte gimietlich!
Ob 130 € pro Köpf mit Friehstick
Ob 160 € pro Köpf mit Holbpensiou
Nordseit mit Bergblick
Inrichting aus einheimischn Zirmhölz
Bou mit Tusch, Treigl, Haisl und Bidet, Fein und Schminkspiegl
Schloufzimmr mit Kostn und Tivan
Flochbildfernsehar mit Sat
Schreibtisch
Tresöir, Telefou, gratis W-LAN
31 m² und 3 m² Söldr | fur 2-4 Leit
Des Zimmr aus Oachnhölz ot an schien Blick af Wiesn und Woll in Summr, af dur Skipist in Wintr - perfekt fur Erhöling mittlt in dur Natur.
Ob 144 € pro Köpf mit Friehstick
Ob 174 € pro Köpf mit Holbpensiou
Nordseit mit Bergblick
Inrichting aus einheimischn Oachnhölz
Bou mit Tusch, Waschbeckn, Haisl und Bidet, Fein und Schminkspiegl
Schloufzimmr mit Kostn und Tivan
Flochbildfernsehar mit Sat
Schreibtisch
Safe, Telefou, gratis W-LAN
31-36 m² und 4-5 m² Söldr | fur 2-4 Leit
Deis Zimmr gibs in Zirm ödr Oachnhölz und ot an an Ausblick, der dur felle di Luft ousperrt - ideal fur chillige Stunnin mit Weitblick.
Ob 150 € pro Köpf mit Friehstick
Ob 180 € pro Köpf mit Holbpensiou
Südseit mit Toulblick
Inrichting aus einheimischn Zirm- ödr Oachnhölz
Bou mit Tusch, Döppl-Treigl, Haisl und Bidet, Fein und Schminkspiegl
Schloufzimmr mit Kostn und Tivan
Flochbildfernsehar mit Sat
Schreibtisch
Safe, Telefou, gratis W-LAN
28-40 m² und 10-12 m² Söldr | fur 2 Leit
Di Juniorsuite isch aus douign Oachnhölz gmocht, ot a schiene, große Tirass mit ar pärign Aussicht - supr in dur frischn Luft zi entsponnin.
Ob 161 € pro Köpf mit Friehstick
Ob 191 € pro Köpf mit Holbpensiou
Südseit mit Toulblick fin hegstn Stöck
Inrichting aus einheimischn Oachnhölz
Bou mit Tusch, Döpplwaschbeckn, Haisl und Bidet, Fön und Schminkspiegl
Schloufzimmr mit Kostn
Flochbildfernsehar mit Sat
Schreibtisch
Safe, Telefou, gratis W-LAN
53-57 m²af 2 Steck und 8-9 m² Söldr | fur 2-4 Leit
Dou kimp dur fir du konnsch di Berg felle ougreifn: af 2 Steck osche an gonz bsundurn Ausblick. Du osch an sepratn Wohnbereich mit ar freistinitn Bouwonn - perfekt zin durhöüln!
Ob 177 € pro Köpf mit Friehstick
Ob 207 € pro Köpf mit Holbpensiou
Südseit mit Toulblick fin hegstn Stöck
Inrichting aus einheimischn Oachnhölz
2 Beidr mit Tusch, Döpplwaschbeckn, Haisl und Bidet, Fön und Schminkspiegl
A freistinite Bouwonn
Schloufzimmr mit Kostn
Wohnbereich mit Tivan, Flochbildfernsehar mit Sat und an Schreibtisch
Safe, Telefou, gratis W-LAN
60 m² af 2 Steck und 3 m² Söldr | fur 2-5 Leit
Af zwo Steck fintitis gonz bsundre Meibl aus Wildhölz und spezielle Wondmolarei, dei di Natur direkt in Zimmr innehöln. Du sigsch Woll und Wiesn und in Wintr osche an direktn Blick af dur Skipist.
Ob 168 € pro Köpf mit Friehstick
Ob 198 € pro Köpf mit Holbpensiou
Nortseit mit Bergblick fin hegstn Stöck
Inrichting aus einheimischn Hölz
2 Beidr mit Tusch, Döppl-Treigl, Haisl und Bidet, Fön und Schminkspiegl
A freistinite Bouwonn
2 Schloufzimmr mit Döpplbett
Tivan, Flochbildfernsehar mit Sat und an Schreibtisch
Safe, Telifou, gratis W-LAN
Wos isch is schienigste Zimmr?
Des isch wie mit di Weibr, di Mandr und olln drzwischndrin: Gschmocksoch.
Gibs in di Zimmr a Minibar?
Af kon Foll! Mir welln jo, dass insr Barkeeper ollm gnüe zi tie ot. Und drzüe holtn mir gour nicht fi ibrtuiurte Minibarpreise. Is Wossr wos fi dr Pipp orrinnt isch güet, frisch und gratis. Also au di Pipp und aussar mitn bestn Durstleschar ibrhaup.
Stimp des: In di Zimmr schmeckts öftamol nouch Mist?
Des steht in ondr fi insre online Bewertingin. Fi ins aus gseign isch der Naturgeruch net amol söüle letz, zimindist nichts Küntliches. Nana – Scherz beiseite. Gonz ob und züe konn sel wirklich sein. Weil öftamol orbitn inse Baurn a mit Mist, weilse di Wiesn sö natürlich wie meiglich pfleign welln. Des isch dr Kreislauf fi dr Natur, tatn di Studiertn sougn – mir sougn onfoch: asö ischs olt amol und des passt. Eis wert enk schu a drou gweinin.!
Es gib olle Toug an Weckar. Wos isch sel frondr?
Insr Nochbr, dr Gugg, melcht di Kieh frieh zmorgits (um holbe 6e). Zem konns schu passiern, dass man selbr gach mit auwocht.
Mont es des wirklich olls ernst?
Hmm.. mir welln enk eigntlich lei in vöraus drau vörbereitn, wies bi ins dou laft. Jo, es isch a 4 Sterne Hotel mit olle Services, dei wos sel oubm mües. Öbr dechtr meign mirs onfoch, echt und direkt. Und insr Toul, is Sarntoul isch in gonzn Lond fr epis bekonnt: Feine Leit di Sarnar.
